atiahi İmişli rayon komitəsi
“Təhsil millətin gələcəyidir!”
— Heydər Əliyev
Azərbaycan Təhsil İşçiləri
Azad Həmkarlar ittifaqı
ATİAHİ İmişli rayon komitəsində Beynəlxalq Qadınlar Günü münasibətilə tədbir keçirilib
- Əsas Səhifə
- Xəbərlər
- ATİAHİ İmişli rayon komitəsində Beynəlxalq Qadınlar Günü münasibətilə tədbir keçirilib
Martın 5-də ATİAHİ İmişli rayon komitəsinin təşkilatçılığı ilə 8 Mart – Beynəlxalq Qadınlar Günü münasibətilə tədbir keçirilib.
Tədbirdə rayonun müxtəlif məktəblərindən olan qadın müəllimlər iştirak ediblər.
İmişli rayon komitəsinin sədri Əlimirzə Şirinov çıxış edərək qadınların cəmiyyətdə rolundan danışıb. Bildirib ki, Dövlət müstəqilliyimizin bərpasından sonra Azərbaycan qadını milli dövlət quruculuğu prosesinin fəal iştirakçısına çevrildi, ölkəmizin sosial-iqtisadi və mədəni potensialının artırılması üçün dəyərli töhfələr verdi: “Azərbaycan qadını tarix boyu müqəddəs ana şərəfini uca tutaraq öz mübarizliyi ilə tanınıb, ölkənin ictimai-siyasi, mədəni həyatında fəal iştirak edib. Vətənin müdafiəsində və dövlətin idarə olunmasında daim fədakarlıq nümayiş etdirməklə yanaşı, döyüş meydanlarında da şücaət göstərib”.
Çıxış edən digər şəxslər Azərbaycan qadının Vətən müharibəsində övladlarını cəbhəyə necə böyük şövqlə yola salmasından, şəhid analarının iradəsindən söz açıblar.
Sonda tədbirdə iştirak edən xanımlara müxtəlif hədiyyələr təqdim olunub.
Bizimlə əlaqə
